Shqipëria

Studentja serbe që studion gjuhën shqipe, e lidhur ngusht me Tiranën

Studentja Nevena Zhivançeviç thotë se lidhja e saj me gjuhën shqipe është shumë e madhe.

Ajo është serbe, por e studion gjuhën shqipe. Studentja Nevena Zhivançeviç thotë se lidhja e saj me këtë gjuhë është shumë e madhe.

Në një intervistë për Euronews, ajo tregoi se pas 3 vjetësh studimi tani, ndihet më e sigurt kur flet shqip dhe shfrytëzon çdo rast kur është në Tiranë apo Prishtinë për të folur shqip, përcjell Albinfo.ch.

“Tani nuk kam frikë të flas, kur kam mundësi të flas, e bëj me plot dëshirë, kur jam në Prishtinë, Tiranë, apo edhe Beograd flas me njerëz që dinë shqip”, tha ajo.

Nevena zbuloi lidhjen e fortë me Tiranën, ku siç tha ka njerëz që i konsideron si familjen e saj.

“Në Tiranë kam njerëz që i quaj familje. Kam humbur prindërit e mi para shumë vjetësh. Këta njerëz më thanë që zoti po vonon, por nuk harron. Kështu që vërtet nuk harron, se tani i kam ata”, rrëfeu studentja serbe./Albinfo.ch