Studimi: Koronavirusi në Itali nga Nëntori i 2019-tës

Rezultati i hulumtimit u publikua tek Revista Britanike e Dermatologjisë

Një ekip italian i hulumtimeve zbuloi se një grua ka qenë infektuar me koronavirus që në Nëntor 2019, një muaj përpara zbulimit të mërpashëm tek një fëmijë 4-vjeçar, sipas një raporti të publikuar tek e përditshmja “La Repubblica”.

Sipas studimit, ekipi i hulumtimeve ndërkombëtare i drejtuar nga Universiteti i Milanos, zbuloi se një 25 vjeçare italiane ka qenë infektuar me koronavirusin në Nëntor 2019.

Ekipi zbuloi se një biopsi në lëkurën e saj shfaqi prezencën e koronavirusit, transmeton Scan, përcjell albinfo.ch.

Rezultati i hulumtimit u publikua tek Revista Britanike e Dermatologjisë.

Hulumtuesit shqyrtuan biopsinë nga pacientja me një sëmundje atipike të lëkurës që nuk ka qenë diagnostikuar në muajt e fundit të 2019-s dhe zbuluan se e vetmja simptomë e pacientes së infektuar me koronavirus ishte shfaqja e disa pllakave të kuqe në lëkurë.

Rasti i parë në Itali është regjistruar në fund të Shkurtit 2020.

Megjithatë, studimet e fundit në Itali po ofrojnë prova se virusi mund të jetë përhapur shumë më shpejtë se ç’mendohej.

Raffaele Gianotti, një hulumtues tek Universiteti i Mialnos, tha se nëpërmjet studimit kanë zbuluar se disa raste të Covid-19 kanë treguar vetëm simptoma të sëmundjes së lëkurës. Për rrjedhojë, ata kërkonin të dinin nëse ndonjë me sëmundje të lëkurës përpara vatrës së muajit Shkurt, ka qenë infektuar me koronavirus.

---