Suedi: Hapet ekspozita “Gratë në UÇK”

Për nder të Epopesë së UÇK-së, Ambasada e Kosovës në Stokholm hapi ekspozitën me temën “Gratë në UÇK”, me imazhe të realizuara gjatë luftës që tani u shfaqën si dëshmi e rezistencës së grave dhe vajzave që luftuan gjatë viteve 1998-1999, shkruan albinfo.ch.

Realizuese e kësaj ekspozite është luftëtarja e Ushtrisë Çlirimtare të Kosovës, Mirvete Hasani. Nga gatimi i bukës e deri te betejat me pushkë në dorë, këto fotografi na udhëheqin në një udhëtim kronologjik të ditëve të lavdishme të luftës për liri.