Lajme

Suedia ka pranuar se nuk sheh shenja të imunitetit të masës

“Çështja e imunitetit në masë është e vështirë. Për momentin, ne nuk shohim ndonjë shenjë të imunitetit që ngadalëson valën e dytë”, tha Tengel

Ani pse Suedia ngjalli polemika mbi politikën e saj në fillim të pandemisë për mos-aplikimin e masave për mbrojtje kundër korona virusit, së fundmi, ka pranuar se nuk sheh shenja të imunitetit të masës dhe se numri i të infektuarve të rinjë rritet, transmeton albinfo.ch.

Duhet theksuar se Anders Tegnel, krijuesi i strategjisë suedeze pa “karantinë”, më herët kishte argumentuar se Suedia do të kalonte më mirë se vendet e tjera në valën e dytë pasi ndërtoi imunitetin kolektiv gjatë valës së parë.

“Çështja e imunitetit në masë është e vështirë. Për momentin, ne nuk shohim ndonjë shenjë të imunitetit që ngadalëson valën e dytë”, tha Tengel.

Ndërkohë, kryeministri Stefan Lofven ka ndryshuar plotësisht qasjen e tij javët e fundit, duke futur kufizime në shitjen e alkoolit, vizitat në shtëpi dhe tubimet publike, duke paralajmëruar se kufizimet e udhëtimit mund të jenë hapi i radhës.

Me kaq, rregullat në Suedi janë ende relativisht më pak srikte, krahasuar me vendet e tjera evropiane, por janë një përmbysje e konsiderueshme e politikave të mëparshme që kanë lejuar njerëzit të zgjedhin vullnetarisht nëse do të qëndrojnë në shtëpi dhe të mbajnë distancën e tyre.

Suedia shënoi numër rekord të sapo infektuarve me korona virus këtë muaj, duke provuar se vendi nuk ka arritur të shmangë valën e dytë të epidemisë që ka goditur pjesën më të madhe të Evropës.

Në maj, Tegnel parashikoi që numri i rasteve në vend ” do të jetë mjaft i vogël” kur vala e dytë të mbërrijë në vjeshtë, pasi shumica e popullsisë do të infektohet me virusin dhe do të bëhet imune. Që nga ajo kohë, ka pasur prova në rritje që njerëzit që janë shëruar nga korona virusi mund të sëmuren përsëri dhe se në disa raste imuniteti mund të jetë jetëshkurtër.


LAJME INTERESANTE NGA INTERNETI