Lajme
Sulme masive kibernetike në Ukrainë
Faqet e internetit që i përkasin organeve qeveritare të Ukrainës janë shënjestruar në një sulm masiv kibernetik.
Ndër shërbimet që janë prekur nga sulmi janë faqet e internetit për Parlamentin ukrainas (Rada), Ministrinë e Jashtme dhe shërbimet e sigurisë, raporton BBC, përcjell Albinfo.ch.
Një ministër i ka thënë agjencisë së lajmeve Interfax se shërbimet për disa institucione ukrainase, duke përfshirë Ministrinë e Shëndetësisë, Sigurisë dhe të Jashtme, janë bllokuar për shkak të një sulmi të quajtur DDOS.
Ai shtoi se janë sulmuar edhe disa banka. Sulmet DDOS, ose Refuzimi i Shpërndarjes së Shërbimit, synojnë të mposhtin faqet e internetit duke përmbytur një rrjet me trafik të rremë dhe duke e penguar atë të komunikojë siç do të bënte zakonisht. Autoritetet ukrainase thanë këtë javë se kishin parë paralajmërime në internet se hakerët po përgatiteshin të kryenin sulme të mëdha ndaj agjencive qeveritare, bankave dhe sektorit të mbrojtjes.
Në një kohë që presidenti rus Vladimir Putin ka avancuar me planin e tij të pushtimit, Ukraina ka shpallur gjendjen e jashtëzakonshme. Kryetari i Këshillit të Sigurisë dhe Mbrojtjes, Oleksiy Danilov, tha se do t’u takojë autoriteteve rajonale të përcaktojnë se cilat masa do të zbatojnë, por ato mund të përfshijnë mbrojtje shtesë për objektet publike, kufizimin e trafikut, si dhe kontrolle të shtuara të dokumenteve dhe mjeteve të transportit.
Gjendja e jashtëzakonshme fillimisht do të zgjasë 30 ditë dhe pritet të miratohet nga Parlamenti brenda 48 orësh. Ky vendim erdhi pas deklaratës së kryeministrit të Australisë, Scott Morrison, i cili tha se një “pushtim në shkallë të plotë” i Ukrainës “ka të ngjarë” të ndodhte brenda 24 orëve. Morrison, i cili ka njoftuar sanksione të reja kundër Kremlinit, tha se forcat ruse tani janë në “gatishmërinë maksimale për të pushtuar Ukrainën, dhe kjo ka të ngjarë të ndodhë brenda 24 orëve të ardhshme”.
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Zvicër
-
Zvicër: Xhel, që ul nivelin e alkoolit në gjak dhe mbron trupin Studiuesit në ETH Cyrih thonë se kanë zhvilluar një xhel që kundërshton ndikimin negativ të alkoolit....
-
Aksident në Aristau AG mes autobusit dhe makinës
-
74 punonjës të Pfizer në Zug kërcënohen me largim nga puna
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?