Lajme

Takimi Biden-Putin do të mbahet në këtë vilë luksoze në Gjenevë

Këtë njoftim e ka bërë sot Departamenti i jashtëm, duke konfirmuar përgatitjet e vilës që ishin të dukshme prej disa ditësh

Më 16 qershor, krerët e shteteve të SHBA-së dhe Rusisë do të takohen në Zvicër. Takimi do të mbahet në vilën madhështore “La Grange” në Liqenin e Gjenevës.

Kjo vilë madhështore daton nga shekulli i 18-të. Ajo është e vendosur në një kodër, dhe nga tarraca ka një pamje të papenguar mbi liqenin e Gjenevës, përmes parkut dhe livadhit me pemë të vjetra, shkruan 20minuten.ch.

Këtë njoftim e ka bërë sot Departamenti i jashtëm, duke konfirmuar përgatitjet e vilës që ishin të dukshme prej disa ditësh.

Ushtria dhe policia kishin rrethuar hyrjet në park që nag e marta. Punëtorët kanë ngritur një rrethojë të lartë metali rreth murit të parkut, me lartësi afërsisht dy metra, transmeton albinfo.ch.

Në portën e mbyllur të hyrjes, e cila ruhej nga policia, është vendosur një tabelë ku mund të lexohet: “Për shkak të një rasti të veçantë, parku është i mbyllur për publikun nga e marta, 8 qershor deri më 18 qershor.”

Shtëpia është e mbyllur gjatë pjesës më të madhe të vitit. Qyteti i Gjenevës rrallë e përdor atë për raste përfaqësuese.


LAJME INTERESANTE NGA INTERNETI