LIFESTYLE

Taylor dhe Camila, fitueset kryesore të “American Music Awards”

Një prej ngjarjeve më të njohura të muzikës ndërkombëtare, “American Music Awards”, është mbajtur mbrëmë në Los Angeles.

Të nominuara ishin edhe dy këngëtaret me prejardhje shqiptare, Dua Lipa dhe Bebe Rexha, por ato nuk arritën ta rrëmbejnë ndonjërin prej çmimeve.

Këngëtarja e hitit “Havana”, Camila Cambello, bashkë më Taylor Swift-in arritën të dominojnë në këtë ngjarje, me 4 çmime të fituara secila.

Por ishte Taylor ajo e cila triumfoi me fitimin e disa prej çmimeve më të rëndësishme të mbrëmjes, si “Artistja më e mirë e vitit”, “Artistja më e mirë e muzikës pop”, “Albumi më i mirë pop” dhe “Turneu më i mirë i vitit”.