Lajme
Të rinjtë zviceranë, 72 orë punë për të ndihmuar viktimat e tërmetit në Shqipëri
Një klub i të rinjve nga Zvicra lindore organizon një festival duke përfshirë aty edhe stendat e shitjes. Të ardhurat dërgohen në Shqipëri.
Aksioni “72 orë” është projekti më i madh vullnetar i të rinjve në Zvicër dhe zhvillohet një herë në pesë vjet. Ideja është e thjeshtë: brenda 72 orësh, grupet e të rinjve në gjithë vendin realizojnë projektet e tyre bamirëse dhe inovative.
Janë rreth 20 mijë të rinj në gjithë Zvicrën, që angazhohen në këtë aksion, për “ta bërë botën më të mirë të paktën për 72 orë”, siç theksohet në moton e tij, shkruan albinfo.ch, duke transmetuar mediat zvicerane.
“Pfadi Buchenberg AachThurLand ” (një organizatë e vëzhguesve ose e “skautve”) nga Thurgau ka vendosur që në këtë kuadër të realizojë një projekt të veçantë. Ky klub i të rinjve planifikon të organizojë një festival, duke përfshirë aty edhe stendat e shitjes. Kështu, të rinjtë do të punojnë dy ditë dhe të ardhurat e grumbulluara do t`i dhurojnë për viktimat e tërmetit në Shqipëri.
Organizata të tjera, në vende të tjera të Zvicrës kanë në plan aktivitete të tjera, shumica e tyre në lidhje me mbrojtjen e ambientit.
Projektet e fushatës “72 orë” janë frymëzuar nga 17 synimet e Axhendës së vitit 2030 në nivel botëror, transmeton albinfo.ch. Këto synime janë pjesë e një plani strategjik global, në të cilin janë përfshirë pothuajse të gjitha vendet në botë. Fushata fillon ditën e enjte, në orën 6 pasdite dhe nga atëherë zgjat 72 orë.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor