Të rinjtë zvicerianë triumfojnë në “WorldSkills” me 16 medalje

16 medalje përfshirë pesë ari, ka fituar Zvicra në konkursin e “WorldSkills” i cili po mbahet në Kazan në Rusi.

Ekipi zviceran fitoi pesë medalje të arta, pesë argjendi dhe gjashtë të tjera bronzi.

Ky konkurs/olimpiadë përfundoi sot. Specialistja e restaurimit Martina Wick (Arnegg / SG), kuzhinierja dhe bukëpjekësja Sonja Durrer (Kerns / OW), prodhuesi i pllakave Renato Meier (Sengen / AG), inxhinieri i elektronikës Florian Baumgartner (Biel / BE) dhe dy kopshtarët e peizazhit Mario Enz (5) siguruan pesë medaljet e arta zvicerane.

Profesionistët e rinj zviceranë të cilët janë midis moshës 17 dhe 22 vjeç kanë demonstruar edhe një herë me performancën e tyre se ata janë ndër më të mirët në fushën e tyre në të gjithë botën.

Përveç 16 medaljeve, Zvicra, e cila garoi në 39 gara, solli edhe 13 diploma të tjera.

“WorldSkills” mbahet çdo dy vjet në vende të ndryshme. Qëllimi i këtij konkursi apo olimpiade është që të tregosh aftësitë në një gamë të gjerë të industrive duke filluar që nga parukeria, moblieria, elektronika e deri te zdrukthtaria.

Në këtë olimpiadë morën pjesë mbi 1 mijë e 500 pjesmarrës nga 60 kombe.