Bota
Të udhëtosh e të bëhesh milioner
Vendi i 197 që përmbylli rrugëtimin e tij në tërë globin ishte pikërisht Norvegjia
Johnny Ward kaloi 10 vjet duke udhëtuar nëpër botë, duke vizituar të 197 shtetet në planet duke arritur në fund të udhëtimit të tij të bënte 1 milion dollarë.
Megjithëse Ward, 33-vjeçar, e filloi me një buxhet të vogël, ai arriti të kthehej në një milioner gjatë rrugës, duke dëshmuar se të udhëtosh dhe të bësh para nuk duhet të jenë reciprokisht ekskluzive. Dhe, sipas tij, çdokush mund të arrijë rezultate të ngjashme.
Kur ai u nis për misionin e tij të ‘rrumbullakët’, Ward nuk kishte para edhe për një biletë avioni. Kështu që ai nënshkroi fillimisht për të bërë kërkime mjekësore në një spital në Irlandë. Mjekët kaluan pesë javë duke realizuar teste ilaçesh mbi të duke bërë kështu që ai të fitonte mjaftueshëm para për të udhëtuar më pas në Tailandë dhe për të dhënë atje mësime të gjuhës angleze, transmeton Scan.
Prej aty, Ward filloi të blogonte dhe të ndërtonte faqen e tij të web-it kur njerëzit mund ta ndiqnin hap pas hapi në rrugëtimin e tij të cilin ai e dëshmonte me fotografi dhe video përgjatë tërë kohës, përcjell albinfo.ch.
Ai e zgjeroi blogun e tij në një markë mediash me 100 faqesh interneti të ndryshme. Kjo bëri që të fitonte akoma dhe më shumë para nga të ardhurat e reklamave që realizoheshin në të gjitha faqet e tija online.
“Duhet të isha mjaft i zellshëm që të merrja laptopin tim dhe të punoja mbrëmjeve kur isha në Mongoli, Kazakistan apo Etiopi”, tha Ward për “The Telegraph”. “Këto ishin kohët e vështira, duke vënë punën në vijë ndërsa isha duke udhëtuar në mënyrë aktive, dhe mos ditur nëse do të kjo do të paguante apo jo”.
Vendi i 197 që përmbylli rrugëtimin e tij në tërë globin ishte pikërisht Norvegjia. Ai e festoi arritjen me shampanjë dhe me të dashurit e tij në Rrethin Arktik. “Nëse me të vërtetë dëshironi thellë diçka, ju mund ta realizoni atë”, shkruante Ward në Instagram kur arriti në Norvegji. “Kur e vizualizoni rrugën tuaj dhe çdo zgjedhje apo përpjekje juaja ju çon drejt synimit tuaj përfundimtar, atëherë asgjë nuk mund t’ju ndalojë“.
Të ngjashme
Të tjera nga Bota
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor