E-Diaspora
Tërmeti në Shqipëri, në Bruksel mbahet 1 minutë heshtje
Situata në Shqipëri vazhdon të gjejë pasqyrim në mediat e huaja
Në Bruksel u mbajt një minutë heshtje në përkujtim të 51 qytetarëve shqiptarë që humbën jetën nga tërmeti i fuqishëm i 26 nëntorit.
Ka qenë një kërkesë e Sekretares së Përgjithshme të Këshillit të Bashkëpunimit Rajonal, Majlinda Bregu, ajo që shtyu pjesëmarrësit e samitit “Friends of Europe” të bënin këtë gjest nderimi për viktimat e tërmetit më shkatërrimtar prej katër dekadash në vendin tonë, si dhe për të gjithë ata që u prekën prej tij. Në samitin ku merr pjesë edhe presidenti i Kosovës, Hashim Thaçi, diskutohet mbi të ardhmen e Ballkanit Perëndimor.
Situata në Shqipëri vazhdon të gjejë pasqyrim në mediat e huaja, të cilat po fokusohen tashmë tek fati që prokuroritë e Tiranës, Durrësit dhe Krujës kanë nisur hetime lidhur me ndërtesat e dëmtuara. Në mënyrë të veçantë theksohet fakti që hetimet janë përqëndruar sidomos te verifikimi i lejeve të dhëna për ndërtim, si dhe te respektimi i rregullave dhe ndërtimet e paligjshme.
Tirana dhe Durrësi janë dy zonat më të prekura nga tërmeti, përfshirë dhe qytezën e Thumanës. Sipas njoftimeve zyrtare, kujton VOA, pjesën e hetimeve të cilat kanë nisur për veprat penale Shpërdorim detyre, Ndërtim pa leje dhe Dhënia e ndihmës për ndërtim pa leje, janë lejet e ndërtimit të lëshuara nga autoritetet vendore, zbatimi i tyre nga ndërtuesit, si dhe rastet e ndërtimeve abuzive dhe mungesa e ndërhyrjes së autoriteteve përgjegjëse.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe