Lajme

Zviceranët vërshojnë farmacitë gjermane, testet atje, 4 herë më lirë se në Zvicër

Gjithnjë e më shumë zviceranë po udhëtojnë përtej kufirit për në Gjermani për të bërë testin e koronës. Në Zvicër çmimi është deri 4 fish më i lartë 

Siç dihet, që nga tetori, në Zvicër, kushdo që nuk është shëruar ose nuk është vaksinuar, duhet të sigurojë një test negativ të koronës, nëse dëshiron të shkojë në restorant, bar, kinema etj.

Ndërsa, duke filluar nga 11 tetori, koston për testet e shpejta të antigjenit duhet ta paguajë secili për vete.

Dhe kjo është arsyeja pse gjithnjë e më shumë zviceranë po vrapojnë përtej kufirit, në Gjermani, për të siguruar testin e lirë të koronës. Përveç turizmit të zakonshëm të blerjeve, tashmë është zhvilluar një turizëm i vërtetë testues, shkruan “Aargauer Zeitung”.

Dhe kjo nuk është për t`u habitur: dallimi i çmimeve është shumë madh, trasnmeton albinfo.ch. Ndërsa një test në Zvicër kushton rreth 50 franga, ai është dukshëm më i lirë në Gjermani.

Për shembull në qendrën e testimit Medix në Bad Säckingen, testi kushton pak më shumë se 11 franga (vlera në euro). Megjithatë, testi nuk është kudo kaq i lirë, as në Gjermani. Në  pika të tjera, po në Gjermani, ndodh të kërkohen deri në 30 franga E megjithatë por që gjithsesi është  më lirë se në Zvicër.

Farmacitë pranë kufirit në veçanti ndjejnë këtë lëvizje nga Zvicra, përcjell albinfo.ch. “Proporcioni i personave testues që banojnë në Zvicër është rritur në 60 për qind” thotë një punonjëse e farmacisë Black Forest në Bad Säckingen.

 


LAJME INTERESANTE NGA INTERNETI