Trump dëshiron të mbyllë kufirin me Meksikën

Ilustrim

Presidenti amerikan, Donald Trump ka thënë se do të mbyllë kufirin jugor nëse Kongresi nuk ofron deri në 5 miliardë dollar për të ndërtuar murin në kufirin me Meksikën.

Ndërtimi i murit ka qenë njëra ndër premtimet e presidentit Trump, gjatë fushatës zgjedhore.

Trump ka shkruar në rrjetin social Twitter, se: “Ne do të detyrohemi të mbyllim krejtësisht kufirin jugor nëse Demokratët pengues nuk na japin paratë për të përfunduar murin dhe gjithashtu të ndryshojmë ligjet qesharake të emigracionit “.

Ai ka shtuar se ose do të ndërtojnë murin ose do ta mbyllin kufirin.

Ai gjithashtu ka thënë se Shtetet e Bashkuara të Amerikës, do të ndalë ndihmat ndaj Honduras-it, Guatemala-s dhe El salvadorit, vendet të cilat kanë më së shumti migrant në SHBA.