Koronavirusi: çast pas çasti
Trump këmbëngul përsëri: Virusi po zhduket
Kreu i Shtëpisë së Bardhë, Donald Trump, e ka përdorur një rënie të rasteve të reja të koronavirusit në Floridë, Teksas dhe Arizonë për të pretenduar se ky virus është duke u zhdukur, pavarësisht se Shtetet e Bashkuara regjistruan mbi 1,200 viktima në 24 orët e fundit.
Presidenti amerikan pretendoi se përmirësimi i shifrave në vatrat e mëdha të përhapjes tregon se pandemia është duke u zhdukur në mbarë vendin, shkruan Daily Mail.
“Do të zhduket”, tha presidenti Trump gjatë një konference për gazetarë të premten mbrëma në klubin e tij të golfit në New Jersey.
Deklarata e tij më e re erdhi vetëm dy ditë pasi Trump bëri një pretendim të ngjashëm optimist se virusi vdekjeprurës do të largohet, siç tha ai, ashtu siç largohen gjërat. Këtë deklaratë e bëri të mërkurën, kur bëri thirrje për rihapje të shkollave.
Besimi i palëkundur i kreut të shtetit më të prekur në botë nga pandemia se virusi së shpejti do të jetë një kujtim i largët bie ndesh me paralajmërimet e qarta të ekspertëve më të lartë të shëndetësisë, Dr. Anthony Fauci dhe Dr. Deborah Birx.
Numri i përgjithshëm i viktimave të koronavirusit në Shtetet e Bashkuara ka shkuar në mbi 161,000, ndërsa gati pesë milionë njerëz janë infektuar. Këto shifra janë bindshëm më të lartat në botë. Brazili është në vendin e dytë me rreth 100,000 viktima.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat