Turistët e huaj buzëqeshin shqip

Të rinjtë e “Smile Albania” në këtë sezon veror janë kudo duke i mirëpritur turistët me buzëqeshjen e mirëseardhjes dhe duke shpërndarë informacione përkatëse për atraksionet turistike në Shqipëri.

Në Durrës, turistët e shumtë nga vende të ndryshme të botës kanë përshëndetur në gjuhët e tyre, duke u bërë dhe ata mbështetës të të rinjve të “Smile Albania”, shkruan “ATSH”.

Turistë nga Gjermania, Australia, Kanadaja, Belgjika, Holanda, Italia, Spanja, Franca shprehen: “Ne jemi Smile Albania”, përcjell albinfo.ch.

Kjo nisëm e ndërmarrë nga Ministria e Turizmit dhe e Mjedisit të Shqipërisë për të angazhuar të rinjtë në çdo cep të Shqipërisë për promovimin e turizmit është një hap i rëndësishëm, pasi përveç angazhimit të rinisë shqiptare, bën që dhe vetë ata të mësojnë vlerat dhe kulturën e Shqipërisë duke dhënë informacionin e duhur për secilin vizitor që vjen si turist për herë të parë në Shqipëri.