Shëndetësi
Turqia, afër zbulimit të vaksinës kundër koronavirusit
Rektori i Universiteti Ege nga qyteti i Izmirit, Necdet Budak, ka bërë të ditur se ka filluar puna për zhvillimin e një vaksine vendase të ADN-së për koronavirusin.
Në një deklaratë, Budak tha se meqë një vaksinë e licencuar për virusin COVID-19 nuk ishte ende në dispozicion, shumë vende filluan kërkime mbi këtë çështje.
Budak shtoi se punimet po vazhdojnë me intensitet te larte dhe se jemi afruar shumë për të zgjidhur këtë çështje.
Ne anën tjetër, ai shtoi se në rast të suksesit, për të cilën ai ka një besim të plotë, ata këtë vaksinë do t’ia ofrojnë menjëherë botës.
Budak theksoi se edhe Mustafa Varank, ministri turk i Teknologjisë dhe Industrisë, ka theksuar nevojën për një vaksinë.
Dje, ministri Varank tha se si pjesë e një platforme, disa institucione do të mbështeten projekte për zhvillimin e vaksinës dhe barnave kundër COVID-19, duke përfshirë edhe Universitetin Ege.
“Në Universitetin Ege, ne kemi filluar të punojmë për një vaksinë vendase të ADN-së pas thirrjes së bërë nga ministria jonë. Grupi i Kërkimeve dhe Zhvillimit të Vaksinave, i cili është themeluar nën Rektoratin tonë dhe i stacionuar në Qendrën e Kërkimit dhe Aplikimit të Zhvillimit të Barërave dhe Farmacokinetikës, me vite kryen studime të kërkimit dhe zhvillimit të vaksinave kundër patogjenëve të ndryshme, me pjesëmarrjen e shumë universiteteve, institucioneve publike dhe partnerët e industrisë”, tha Budak.
Budak gjithashtu tha se grupi punues ka diskutuar se çfarë mund të bëhet kundër pandemisë COVID-19, duke iniciuar kështu projektin e vaksinës.
Provat klinike të një vaksine të mundshme kundër virusit filluan në SHBA në fillim të këtij muaji.
Personi i parë që pranoi vaksinën, mRNA-1273, ishte 43-vjeçarja Jennifer Haller nga Seattle.
Pasi u shfaq për herë të parë në Wuhan të Kinës dhjetorin e kaluar, virusi është përhapur në të paktën 176 vende dhe rajone.
Shifrat e Universitetit Johns Hopkins me bazë në SHBA tregojnë se mbi 553.200 njerëz kanë rezultuar pozitivë në gjithë botën, kurse numri i vdekjeve ka shkuar në mbi 25.000, si dhe mbi 127.500 janë shëruar.
Vaksinimi është metoda më efektive për parandalimin e sëmundjeve infektive.
E-Diaspora
-
Interi, kampion, me futbollistin shqiptar Asllani: Nuk mund të kërkoja diçka më mirë Mesfushori shqiptar i Interit, Kristjan Asllani, komenton për “Inter TV” fitimin e titullit kampion në derbin...
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
-
Bashkëpunim mes Kosovës dhe Suedisë në fushën e teknologjisë
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët