Ukraina

Turqia heq dorë nga bllokimi i anëtarësimit të Finlandës dhe Suedisë në NATO

Presidenti i Finlandës Sauli Niinistö njoftoi se Turqia do të mbështesë ftesën e dy vendeve nordike për t'u bashkuar me aleancën

Turqia ka hequr dorë nga kundërshtimi i saj ndaj pranimit të Suedisë dhe Finlandës në NATO. Presidenti i Finlandës Sauli Niinistö njoftoi se Turqia do të mbështesë ftesën e dy vendeve nordike për t’u bashkuar me aleancën gjatë samitit të NATO-s në Madrid.

Një memorandum përkatës u nënshkrua nga ministrat e jashtëm të tre vendeve pas një takimi me Sekretarin e Përgjithshëm të NATO-s Jens Stoltenberg, kryeministren e Suedisë Magdalena Andersson dhe presidentin turk Rexhep Tajip Erdogan.

Memorandumi i përbashkët nënvizon angazhimin e Finlandës, Suedisë dhe Turqisë për të siguruar mbështetjen e tyre të plotë kundër kërcënimeve ndaj sigurisë së njëri-tjetrit, tha presidenti finlandez në një deklaratë.

“Fakti që ne po bëhemi aleat i NATO-s do ta përforcojë këtë angazhim”.