Lajme

U rihapën sot kufijtë tokësorë të Kosovës

Qeveria shfuqizoi vendimin për mbylljen e kufijve, tani më janë hapur të gjitha pikat kufitare në Kosovë. Ata që vijnë nga jashtë dhe nuk e kanë kryer testin në afat kohor jo më shumë se 4 ditë, detyrohen të vetizolohen për shtatë ditë. Pas një jave të hapen kufijtë ajrorë, shkruan albinfo.ch.

Prej sot u rihapen kufijtë tokësorë të Kosovës. Vendimi është marrë në mbledhjen e djeshme të Qeverisë në detyrë, transmeton albinfo.ch.

Duhet theksuar se pikat kufitare të cilat do të rihapen sot janë: Merdar, Vërmicë, Kullë, Hani i Elezit, Dheu i Bardhë dhe Jarinjë, transmeton Indeksonline.

Kujtojmë se vendimi për mbylljen e kufijve ishte vendosur nga autoritetet e Kosovës më 13 mars të këtij viti në kuadër të shumë masave parandaluese të mundësisë së përhapjes së COVID-19.

Por, ministri i Shëndetësisë në detyrë, Arben Vitia, bëri të ditur se sot nuk do të hapen edhe kufijtë ajrorë.

Sipas tij, kjo ka mbetur të vendoset në javën e ardhshme, pas një analize tjetër.

“Vendimi dhe rekomandimet e IKSHPK-së pritet të merret në fundin e javës së ardhshme”, tha Vitia. /Albinfo.ch

 


LAJME INTERESANTE NGA INTERNETI