U shënua Dita e Sëmundjeve Pulmonare Obstetrike Kronike

Sipas OSHB, SPOK prek rreth 50 milion njerëz në tërë botën, çdo vit vret 3 milion njerëz. Në Kosovë, së bashku me kancerin e mushkërive, përbëjnë rreth 50% të patologjisë respiratore te të rriturit

Në një tendë prej rreth 20 metrash katrorë, një grup pulmologësh prisnin radhët e të interesuarve për të bërë spirometrinë (metodë për matjen e kapaciteteve vëllimore të mushkërive). Ky ishte një aktivitet i organizuar nga Qendra Klinike Universitare e Kosovës në Prishtinë, në bashkëpunim me Klinikën e Pulmologjisë dhe Shoqatën e Pulmologëve të Kosovës.

Spirometria është e domosdoshme për diagnostifikimin e SPOK-ut. „SPOK (Sëmundje Pulmonare Obstetrike Kronike) është sëmundje e parandalueshme dhe e mjekueshme me disa shenja ekstrapulmonare, të cilat mund të kontribuojnë në gravitetin e sëmundjes te pacientët individualë“, thotë Dr. Gazmend Zhuri derisa po joshte kalimtarët e rastit për t’iu nënshtruar testit të Spirometrisë.

Duke dashur që Kosova të ketë një popullatë të shëndoshë dhe për të sqaruar për rëndësinë e këtij diagnostifikimi, që po bëhej falas në Sheshin „Zahir Pajaziti“ në Prishtinë, Dr. Gazmend Zhuri, pa përtesë, shpërndante edhe fletushkat me informacione themelore për këtë aktivitet ambulantor që ishte organizuar në kuadër të shënimit të Ditës Botërore të SPOK-ut.

Sipas OSHB, SPOK prek rreth 50 milion njerëz në tërë botën, çdo vit vret 3 milion njerëz.

Në Kosovë, së bashku me kancerin e mushkërive, përbëjnë rreth 50% të patologjisë respiratore te të rriturit. Ndryshe SPOK mbetet shpesh i padiagnostifikuar ku rreth 25-50% të njerëzve nuk e dinë se kanë SPOK.

Xhevdet Kallaba