Kosova
“U shpik një brigadë e re për t’i arsyetuar veteranët e rrejshëm të UÇK-së”
38 milionë e 882 mijë e 400 euro për një vit i kushtojnë buxhetit të shtetit 19.060 ”veteranët e rrejshëm”, të cilët i ka identifikuar prokurori special i dorëhequr ditë më parë, Elez Blakaj
Jo vetëm numri i veteranëve u rrit jashtëzakonisht shumë nga Komisioni për njohjen e statusit të ushtarëve të UÇK-së, por nga ky Komision, sipas fjalëve të komandantit të FSK-së, Rrahman Rama, numri u rrit edhe për dëshmorët e UÇK-së.
Në aktakuzën e publikuar sot nga Koha Ditore për mashtrimet për fryrje të listave të veteranëve, anëtari i Komisionit, Rrahman Rama, citohet të ketë thënë se numri veteranëve ka kaluar çdo pritshmëri, por se është rritur edhe numri i dëshmorëve.
Ai thotë se nga 200 u bënë 500 dëshmorë, teksa shton se ushtarët vdiqën në aksidente pas luftës dhe më pas u shpallën dëshmorë, përcjell albinfo.ch.
“Nga 200 sa kanë qenë, janë bërë 500 dëshmorë. Ka edhe raste kur ushtarët kanë vdekur në aksidente pas lufte e tani figurojnë si dëshmorë”, thuhet në procesverbalin e audioincizimit të mbledhjes së Komisionit të datës 9 shkurt të vitit 2015.
Për gjithë këto shifra Rama thoshte se nuk kishin asnjë mundësi të ishin reale. Thoshte se nëse kishin ekzistuar 60 mijë veteranë, nuk do të kishte pasur nevojë fare për KFOR-in të intervenonte në Kosovë.
Të akuzuar për këtë rast nga prokurori i dorëhequr Blakaj janë: Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj, Xhavit Jashari.
Sipas prokurorit Blakaj, 38 milionë e 882 mijë e 400 euro për një vit i kushtojnë buxhetit të shtetit 19.060 ”veteranët e rrejshëm”.
Prokurori i këtij rasti, Elez Blakaj, ka dhënë dorëheqje nga detyra e tij, duke u larguar nga Kosova. Dyshohet se shkak i largimit të tij kanë qenë kërcënimet që i janë bërë për këtë rast.
Aktakuza e Elez Blakajt pretendon se nga të akuzuarit u shpik një brigadë e re për t’i arsyetuar veteranët e rrejshëm të UÇK-së.
Po ashtu, aktakuza zbulon se si ish-komandanti i UÇK-së, Agim Çeku, udhëzonte anëtarët e Komisionit të gënjenin për veteranët.
Të ngjashme
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Policia e Thurgau-ut, me apel interesant Policia në kantonin Thurgau ka nisur një apel për këdo që iu ka vjedhur bizhuteri dhe...
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore
-
Sasi rekord bore në Säntis