Kosova

Vajzat e arta të Kosovës ndezin sheshin e Prishtinës

Para qindra qytetarëve të mbledhur në Prishtinë, medalistet e arta të Kosovës, Distria Krasniqi e Nora Gjakova ndezën sheshin e Prishtinës.

Kryeministri Albin Kurti në fjalën e tij fillimisht e përmendi kampionen e parë të Kosovës, Majlinda Kelmendin.

“Majlinda i solli Kosovës medaljen e pare të artë dhe dëshmoi se me përkushtim gjithçka është e mundur”, tha Kurti.

Më tutje ai shtoi se vajzat e arta të Kosovës e përmbyllin debatin per barazinë gjinore.

“3 medalje të arta nga 3 gra. Këtu përfundon çdo debat për barazi gjinore”, u shoreh Kurti.

Ndërsa trajneri Toni Kuka tha se Majlinda e nisi rrugën e medaljeve serisa Nora e Distria sipas tij i tejkaluan pritjet.

“Jemi popull fitues dhe do të vazhdojmë me suksese në çdo fushë”, tha Kuka.

Distria Krasniqi ndërkaq tha se po ndihet e gëzuar që i solli Kosovës medaljen e artë.

“Majlinda më ka bë me besu se gjithçka në jetë është e mundur”, tha Distria Krasniqi.

Nora Gjakova u shpreh se besimi dhe puna në suksese e sollën edhe medaljen e artë.