Lajme

Vaksina në Zvicër do të jetë falas dhe jo e detyrueshme

Grupet me përparësi për vaksinim janë njerëzit që janë veçanërisht në rrezik nga Covid-19, punonjësit shëndetësorë që kujdesen për ata me rrezik të veçantë etj.

Në konferencën për media që po vazhdon të mbahet në Bernë, Virginie Masserey nga BAG ka bërë veç tjerash një përmbledhje të strategjisë zvicerane të vaksinimit, njofton srf.ch.

“Ne kemi disa qëllime në këtë strategji. Para së gjithash, ne duam të zvogëlojmë barrën e sëmundjes duke ulur numrin e rasteve të rënda dhe vdekjeve”, transmeton albinfo.ch fjalët e përfaqësueses së BAG. “Së dyti, ne duam të ruajmë sistemin shëndetësor. Vaksinimet do të jenë falas por jo të detyrueshme”.

Ndërsa Claus Bolte, Shefi i Autorizimit në Swissmedic, shton: “Grupet e synuara me përparësi për vaksinimin janë njerëzit që janë veçanërisht në rrezik nga Covid-19, pastaj punonjësit shëndetësorë dhe kujdestarët e atyre që janë me rrezik të veçantë, transmeton albinfo.ch.

Kur këto grupe të jenë vaksinuar, vaksinimi do të jetë në dispozicion për të gjithë të tjerët që duan të vaksinohen”.

Vaksinimi pritet me shumë padurim, ka vazhduar Virginie Masserey. “Ne kemi nënshkruar kontrata me tri kompani, me të cilat mund të vaksinojmë rreth gjashtë milionë njerëz. Ne marrim doza vaksinimi nga Moderna, Astra Zeneca dhe Pfizer dhe jemi në kontakt me korporatat e tjera për të siguruar që Zvicra të ketë qasje të sigurt në vaksina të mjaftueshme”.

Vaksinat do të vijnë në faza dhe duhet të dorëzohen në gjysmën e parë të vitit 2021. Cilësia dhe siguria e vaksinave është përparësia jonë kryesore”.


LAJME INTERESANTE NGA INTERNETI