Vaud ndan 15 milionë franga për parandalimin e zjarreve pas tragjedisë në Crans-Montana

(KEYSTONE/Christian Beutler)

Kantoni zviceran i Vaud-it ka njoftuar një program pilot prej 15 milionë frangash për forcimin e masave të parandalimit të zjarreve. Nisma vjen gjashtë muaj pas tragjedisë në Crans-Montana, ku humbën jetën 41 persona.

Institucioni Kantonal i Sigurimeve (ECA) do të mbështesë me financim deri në 80% të kostove për pajisje dhe sisteme sigurie, si detektorë tymi, pajisje emergjente, kamera termike dhe pajisje për izolimin e baterive të rrezikshme.

Programi synon të rrisë ndërgjegjësimin për sigurinë nga zjarri dhe të lehtësojë zbatimin e masave parandaluese nga qytetarët, bizneset dhe fermerët. Fondet do të përdoren gjatë një periudhe trevjeçare dhe do të vijnë nga fondi kantonal për sigurime nga zjarri dhe fatkeqësi natyrore.

Autoritetet theksojnë se programi është pjesë e reformave të reja të sigurisë dhe përgjegjësisë për ndërtesat, të cilat pritet të forcohen në periudhën në vijim. Sipas tyre, masat parandaluese janë thelbësore për të shmangur tragjedi të ngjashme si ajo e Crans-Montanës.

Paralelisht, në Gjenevë po shqyrtohen masa të reja për kontrollin e kapaciteteve në lokalet publike dhe forcuar rregullat e sigurisë nga zjarri.