Botë
Venecia shijon rihapjen, pronarët e bizneseve: Askush nuk mund të na ndalë
Në restorantet përgjatë kanalit, tavolinat ishin të mbushura me banorë dhe turistë që shijonin pica ose një koktej nën rrezet e diellit
Banorë dhe turistë shijuan kafe dhe ushqim në lokalet pranë Kanalit të Madh të Venecias, teksa rajoni i Venetos u kthye në “zonë të bardhë”, me kufizime të lehtësuara në maksimum dhe vetëm me mbajtjen e maskës dhe ruajtjen e distancimit social në fuqi.
Një çift pati fat sepse data e dasmës së tyre përkoi me ditën kur filloi aplikimi i zonës së bardhë. Pas muajsh të tërë ndryshimi planesh për shkak të kufizimeve, ishte koha që të sapomartuarit Alessandro Vianello dhe Milica Ljumovic të gëzonin ditën e tyre.
“Mendoj se kemi qenë me fat, sepse pasi na u desh për një kohë të gjatë të shtynim dasmën, në fund zgjodhëm atë që rezultoi data e duhur”, u shpreh Alessandro Vianello, transmeton Euronews, përcjell Albinfo.ch.
Në restorantet përgjatë kanalit, tavolinat ishin të mbushura me banorë dhe turistë që shijonin pica ose një koktej nën rrezet e diellit.
Lehtësimi i kufizimeve u ka dhënë pronarëve të bizneseve lokale shpresën se gjërat do të kthehen gradualisht në normalitet. Mes tyre është edhe Klodian Mihaj, që emigroi në Itali nga Shqipëria kur ishte vetëm 3 vjeç.
“Jam optimist, jam i sigurt se lëvizja do të rifillojë. Do të na duhet pak kohë që të kthehemi në nivelet e 2 apo 3 viteve më parë, por jam i sigurt, e di që do të kthehemi në ato nivele”, tha z. Mihaj.
Për disa banorë, fundi i pandemisë erdhi. Ata shprehen se tashmë askush nuk mund t’i ndalë të hapin bizneset e tyre.
“Edhe nëse e provojnë, nuk do t’ia dalin”, thonë ata.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n