Lajme
Vërshime në Itali, mbyllen shkollat në jug të vendit
Mediat italiane shkruajnë se prej ditës së djeshme jugu i Italisë është duke përjetuar një situatë moti ekstrem, e cila, sipas njoftimeve të Mbrojtjes Civile, parashikohet të përkeqësohet ditën e sotme.
Situata thuhet se do të jetë alarmante kryesisht në zonat e Kalabrisë dhe Sicilisë. Priten 24 orë reshje intensive dhe për këtë disa kryetarë bashkie kanë urdhëruar mbylljen e shkollave ditën e sotme. Institutet arsimore do të mbyllen në zonat e Reggio Calabria, Messina, Syracuse dhe Enna.
Vlen të theksohet se alarmi është ngritur edhe për zonën e Katanias. Kryetari i Katanias, Salvo Pogliese, ka urdhëruar mbylljen e shkollave publike dhe private të të gjitha niveleve në qytet për ditën e sotme, 25 tetor, dhe me efekt të menjëhershëm të parqeve dhe varrezave komunale. Shumë thirrje janë regjistruar në Sallën Operative të Brigadës së Zjarrfikësve të Komandës Provinciale të Katanias për shkak të shiut dhe erës së fortë. Pjesa më e madhe e ndërhyrjeve të shpëtimit kanë të bëjnë me pemë dhe shtylla të rrëzuara, shkëputje të suvasë, korniza të pasigurta dhe depërtime ujore. Zonat më të prekura janë ato në jug të kryeqytetit Etna.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe