E-Diaspora

VIDEO: Si të rinjtë shqiptarë e kryejnë praktikën për infermieri në Gjermani?

Tashmë është koha më e duhur. Pas të gjithave, katër milionë persona të moshuar në Gjermani, në vitin 2035 do të kenë nevojë për kujdes, sipas një studimi të publikuar kohëve të fundit nga Instituti i biznesit gjerman.

Për t’u përkujdesur për këta katër milionë persona, përfundon studimi, numri i infermierëve në Gjermani do të duhej të rritet me pothuajse gjysmën, dmth në rreth gjysmë milioni, përcjell albinfo.ch.

Politikanët e dinë se kjo nevojë nuk mund të plotësohet pa mbështetje nga jashtë. Kështu, Qeveria federale gjermane gjithashtu është duke reklamuar jashtë kufijve për infermierë. Për shembull në Shqipëri.

28-vjeçarja Xhuljeta Veliu dëshiron t’u ndihmojë personave të sëmurë rëndë. Me një diplomë të infermierisë, ajo ka pasur fat të punësohet, që është dëshirë edhe e qindra bashkëmoshatarëve të saj. Por, me një rrogë prej 340 eurove në muaj, nuk mund të mbulohen të gjitha shpenzimet e përditshme jetësore.

Në një emision të “ARD”-së, mund të përcjellni se si të rinjtë shqiptarë e kryejnë praktikën për infermieri, transmeton Albinfo.ch.

Shqipëria i humbi, pasi Gjermania ka nevojë shumë për ta.