Kosova
Vlerat ushqyese të kikirikëve
Kikirikët janë një ushqim i kripur, që jo vetëm ju ndihmojnë të kaloni kohën, por gjithashtu përmbajnë një mori lëndësh ushqyese kryesore, duke përfshirë: antioksidantë, magnez, folate, fibra e të tjerë. Shkencëtarët nga “Instituti i Ushqimit dhe Shkencave Bujqësore” të Universitetit të Florida-s zbuluan se kikirikët rivalizojnë shumë fruta. Një nga studiuesit, Steve Talcott, shprehet:
“Kur bëhet fjalë për përmbajtjen e antioksidantëve, kikirikët janë pikërisht aty së bashku me luleshtrydhet”.
Por, kikirikët përmbajnë më shumë sesa thjesht antioksidantë. Kur studiuesit në Universitetin “Purdue” hetuan ndikimin e konsumit të kikirikut në cilësinë totale të dietës, Dr. Richard Mattes, një nga hetuesit kryesorë, tha:
“Ne zbuluam se përfshirja e kikirikëve në dietë rrit ndjeshëm magnezin, folatin, fibrat dhe vitaminën E, të cilat të gjitha së bashku luajnë një rol në parandalimin e sëmundjeve të zemrës”.
Gjithashtu, u zbulua se personat që konsumonin rregullisht kikirikë kishin përmbajtje më të lartë të proteinave, fibrave, kalciumit, vitaminave A dhe E. Rreth gjysma e yndyrës në kikirikë vjen nga yndyrat e pangopura, e cila është treguar në pothuajse çdo studim se lidhet me nivele më të ulëta të sëmundjeve të zemrës dhe kancerit. Kohët e fundit është krijuar një kikirik i ri, i cili përmban acid oleik të lartë. Kikiriku i ri do të përmbajë rreth 80% të yndyrës së tij nga acidi oleik, duke rritur kështu përmbajtjen e yndyrës së pangopur.
Studimet kanë treguar se konsumimi i kikirikut dhe gjalpit të kikirikut për mëngjes ndihmon të balancojë nivelin e sheqerit në gjak gjatë ditës, edhe pas konsumimit të një dreke të pasur në karbohidrate. Kjo është një arsye e mirë për të konsumuar në mëngjes kikirikë dhe gjalpë kikiriku.
Me pak fjalë, kikirikët janë një nga ato ushqime që duhet t’i keni gjithmonë në shtëpi, por është gjithashtu e rëndësishme të dini se si ato duhet të ruhen. Nëse janë akoma brenda në lëvozhgë, ato duhet të mbahen në një vend të freskët e të thatë dhe mund të qëndrojnë kështu për disa muaj. Nëse lëvozhga është e hequr, kikirikët duhet të jenë të mbyllura në një enë dhe të ruhen në frigorifer.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore