Maqedonia
VMRO-DPMNE: Kërkojmë drejtësi, jo amnisti
Vetëm një ditë para dëshmisë kyçe të dëshmitarit të rrezikuar për ngjarjet e 27 prillit, kryeministri Zoran Zaev nga foltorja e Kuvendit tha se nevojitet pajtim hyrjen e dhunshme të organizuar në Kuvend.
Deklaratën e tij opinioni e interpretoi si paralajmërim për amnisti të mundshme të pjesëmarrësve në skenarin e përgjakshëm në Kuvend, në këmbim për mbështetje të ndryshimeve kushtetuese dhe pazarllëk për sigurimin e votave për Marrëveshjen e Prespës.
Bëj thirrje për pajtim dhe falje për 27 prillin dhe ngjarjet që ndodhën. Të ulemi dhe ta bëjmë këtë. Unë jam i gatshëm dhe u bëj thirrje të gjithëve edhe shumicës edhe opozitës. Po, e di se kjo ka çmim dhe unë jam i gatshëm ta paguaj çmimin. Çmimi është politik”- tha Zoran Zaev, kryeministër.
Pasi që deklarata e Zaevit në rrjetet sociale shpërtheu si bombë dhe shkaktoi një valë komentesh negative, në mënyrë të shpejtuar në sqarim plotësues të Kryeministrit u lëshuan edhe bashkëpunëtorët e tij të afërt. Porosia për faljen nuk ka qenë ofertë për amnisti që si kundërpërgjigje duhet të sigurojë mbështetje nga ana e VMRO-DPMNE-së për Marrëveshjen e Prespës, shkruan Alsat, përcjell Albinfo.ch.
Shtrirja e dorës së pajtimit nuk do të thotë amnisti. Pajtimi ose falja është një veti dhe madhësi njerëzore”- deklaroi Edmond Ademi, ministër pa resor përgjegjës për diasporën.
Në fjalimin e Zaevit, veten e gjeti edhe njëri nga të akuzuarit për ngjarjet e 27 prillit, Boris Damovski. Shkurt në Facebook shkroi:
Drejtësi, e jo amnisti“- ka shkruar Boris Damovski, njëri nga të akuzuarit për 27 prillin.
VMRO-DPMNE ofertën për pajtim me Zaevin e interpreton si treg për vota nga opozita për ndryshimet kushtetuese, shkruan Alsat, përcjell Albinfo.ch.
Po, pikërisht kështu e interpretojmë. Ajo që edhe një herë duam ta përsërisim është se kërkojmë drejtësi për këta njerëz, pra të dëshmohet se ky rast i fabrikuar dhe i montuar përmes institucioneve të pavarura, të cilat në bazë të dëshmive, do të marrin vendim në mënyrë të paanshme“- deklaroi Igor Janushev, sekretar i përgjithshëm.
Ndryshe, vërtetim të përgjegjësisë së plotë për hyrjen e përgjakshme të 27 prillit kërkoi edhe Bashkimi Evropian.
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër