Kuriozitete
Volvo nuk dërgon më vetura në Rusi
Prodhuesi suedez i makinave, Volvo Cars (VOLCARb.ST), tha të hënën se do të pezullojë dërgesat e automjeteve në tregun rus, deri në një njoftim të dytë, duke u bërë shtëpia e parë automobilistike ndërkombëtare që bën një gjë të tillë, ndërkohë që sanksionet ndaj Rusisë vijojnë të godasin.
Në një deklaratë të bërë nëpërmjet email-it, shoqëria tha se e mori vendimin për shkak të “rreziqeve të mundshme që lidhen me transportin e materialeve me Rusinë, duke përfshirë edhe sanksionet e vendosura nga BE dhe SHBA, përcjell Albinfo.ch.
Volvo Cars nuk do të dërgojë asnjë automjet në tregun rus deri në një njoftim të dytë”, shkruan shtëpia automobilistike.
Një zëdhënës i Volvo-s tha se shtëpia automobilistike eksporton makina në Rusi nga fabrikat në Suedi, Kinë dhe SHBA. Volvo ka shitur rreth 9000 automjete në Rusi në vitin 2021, duke iu referuar të dhënave të sektorit.
Po të hënën, prodhuesi suedez i kamionëve, AB Volvo (VOLVb.ST), tha se do të ndërpresë gjithë prodhimin dhe shitjet në Rusi, për shkak të krizës në Ukrainë.
Edhe prodhuesi gjerman i kamionëve, Daimler Truck, tha të hënën se do të ngrijë të gjithë aktivitetet e biznesit në Rusi, me efekt të menjëhershëm, duke përfshirë edhe bashkëpunimin me prodhuesin rus të kamionëve Kamaz.
Javën e kaluar, kompani të ndryshme, mes të cilave Volkswagen (VOWG_p.DE), Renault (RENA.PA) dhe prodhuesi i gomave Nokian Tyres (TYRES.HE) njoftuan planet për të mbyllur apo për të zhvendosur operacionet e prodhimit pas pushtimit rus të Ukrainës./ Reuters
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?