Të tjera

Vuçiq ia konfirmon ambasadorit rus synimet për ruajtjen e marrëdhënieve me Rusinë

E hënë, 28 Gusht 2023 - 14:20 albinfo.ch

Presidenti i Serbisë, Aleksandar Vuçiq, ka pritur në takim ambasadorin e Rusisë në Serbi, Alexander Botsan-Kharchenko.

Përmes një postimi në rrjetin social Instagram, presidenti serb ka thënë se ka biseduar me ambasadorin rus për çështje rajonale e globale, teksa shtoi se “është konfirmuar synimi për të vazhduar ruajtjen e marrëdhënieve të mira me Federatën Ruse”, shkruan albinfo.ch.

Ky takim vjen vetëm një javë pasi presidenti i Serbisë u takua me presidentin e Ukrainës, Volodymyr Zelensky, në Athinë.

“Takim konstruktiv me ambasadorin Bocan-Kharchenko, me të cilin kam biseduar për të gjitha çështjet aktuale rajonale dhe globale. Kemi biseduar edhe për një gamë të gjerë të temave dypalëshe dhe konfirmuam qëllimin tonë për të vazhduar ruajtjen e marrëdhënieve të mira me Federatën Ruse”, ka shkruar Vuçiq.

 Të tjera nga Të tjera

37 specializantë nga Lugina dhe Mali i Zi përfitojnë mbështetje nga Kosova

 E-Diaspora

 Jeta në Zvicër