Maqedonia

Xhaferi nuk voton për referendumin, ka një arsye

Kryetari i Kuvendit të Maqedonisë, Talat Xhaferi nuk ka votuar për referendumin. 

Xhaferi në një deklaratë pas përfundimit të votimit për emrin e Maqedonisë Veriore ka thënë se “Është e vërtetë që nuk kam pasur mundësinë të votoj në vend votimin tim të zakonshëm 0502 në Forinë të Gostivarit, për shkakun se  emri im nuk ishte në Listën Zgjedhore”.

Ai ka thënë se për ditën e sotme falënderon qytetarët dhe të gjitha institucionet. 

“I përgëzoj qytetarët e Maqedonisë dhe institucionet. Kjo ditë është e rëndësishme. Vullneti i qytetarëve do të duhet të respektohet dhe sipas tij të vendoset edhe në institucione. Me këtë qytetarët dëshmuan se qytetarët treguan se i përkasin familjes së madhe evropiane. Qytetarët sot i vendosën themelet e Maqedonisë së së ardhmes” përfundoi Xhaferi. Xhaferi gjithashtu komfirmoi se sot nuk ka mundur të gjejë veten në Listën e Zgjedhjeve “Eshtë e vërtetë që nuk kam pasur mundësinë të votoj në vend votimin tim të zakonshëm 0502 në Forinë, emri im nuk ishte në Listën Zgjedhore. Gjithësesi gjëja e vetme që mundë të them është që shpresoj që të jetë rast i izoluar. Vota është e barabartë për të gjithë, si për mua, ashtu edhe për të gjithë qytetarët e Maqedonisë”, ka thënë Xhaferi, shkruan Albinfo.ch.