Lajme

Xhaka, në prag të largimit nga Arsenali

Mediat gjermane kanë raportuar se Gladbach është gati të shpenzojë deri në 28 milionë euro për rikthimin e Xhakës.

Mediat angleze shkruajnë se Granit Xhaka mund të largohet nga Arsenali gjatë afatit kalimtar të verës, përcjell albinfo.ch.

Ani pse kontrata e futbollistit shqiptar me klubin anglez skadon në verën e vitit 2023, interesim për Xhakën ka shprehur skuadra gjermane, Borussia Moenchegladbach.

Vlen të theksohet se mesfushori shqiptar kishte kaluar katër vite te Gladbach para se t’i bashkohej Arsenalit në vitin 2016 për 45 milionë euro.

Tani klubi gjerman synon që ta rikthejë në Borussia-Park, pasi kërkon që vitin tjetër të rikthehet në Ligën e Kampionëve.

Mediat gjermane kanë raportuar se Gladbach është gati të shpenzojë deri në 28 milionë euro për rikthimin e Xhakës.

Por përkundër interesimit nga Gladbach, duket shumë e vështirë që Xhaka të largohet nga Arsenali, pasi ai konsiderohet te ky klub si njëri nga futbollistët më të rëndësishëm.

Edhe trajneri Arteta e vlerëson jashtëzakonishtë shumë shqiptarin dhe largimi i tij duket shumë i vështirë, megjithëse Gladbach do të tentojë shumë për rikthimin e tij.

Vlen të përmendet se interesim për transferimin e Xhakës ka shprehur edhe skuadra tjetër gjermane Hertha Berlin.

28-vjeçari këtë edicion ka zhvilluar 43 ndeshje zyrtare me Arsenalin, ka shënuar një gol dhe ka asistuar në dy të tjerë.

 

 


LAJME INTERESANTE NGA INTERNETI