Bota

Xhamitë në Izmir të Turqisë, cak i sulmeve nga hakerët

Xhamitë janë hakuar në Izmir të Turqisë, në vend të thirrjes për mamaz, është dëgjuar kënga antifashiste "Chia Bella"

Xhamitë në provincën turke të Izmirit kanë ndaluar të ftojnë adhuruesit të luten kur sistemi i tyre audio ishte hakuar dhe është dëgjuar kënga antifashiste italiane ” Chiao Bella”, përcjell albinfo.ch lajmin e mediave turke.

Kënga e famshme e partizanëve italianë nga Lufta e Dytë Botërore u dëgjua për dhjetë sekonda nga ezani në 30 xhami, tha një zyrtar i lartë fetar.

“Si masë paraprake, ne kemi vendosur të mbyllim sistemin qendror të thirrjeve të lutjeve”, tha Recep Sukru Ballkan, drejtor i Zyrës fetare në Izmir, transmeton albinfo.ch.

“Derisa të përmirësojmë sigurinë, çdo xhami do t’i ftojë besimtarët në sistemin e vet”, shtoi ai.

Prokurorët kanë nisur një hetim, përfshirë personat që kanë shpërndarë postime në mediat sociale për incidentin.

“Na vjen keq që ky provokim ndodhi në një kohë kaq të ndjeshme”, tha Ballkani për incidentin gjatë muajit të shenjtë të Ramazanit dhe në prag të festës së madhe myslimane të Fitër Bajramit./albinfo.ch