Lajme

Ylfete Fanaj viziton shkollën e saj të parë, tani si kryeparlamentare e Kantonit

Fanaj është kryetare e Parlamentit të Kantonit të Lucernit, që nga 23 qershori i këtij viti dhe ajo e ka vizituar shkollën në të cilën ka ndjekur mësimet fillestare, tani në cilësinë e kryeparlamentare

“Sot pata rastin të ndiqja ditën e parë të mësimit në shkollën time fillore St. Martin në Sursee”, shkruan Ylfete Fanaj në një postim të saj në fb.

Fanaj është kryetare e Parlamentit të Kantonit të Lucernit, që nga 23 qershori i këtij viti dhe ajo e ka vizituar shkollën në të cilën ka ndjekur mësimet fillestare, tani në cilësinë e kryeparlamentares, shkruan albinfo.ch.

 

“Atje kam takuar z. Rolf Müller, mësuesin tim të asokohshëm të shkollës fillore të klasës së tretë / të 4-të. Një mësues i përzemërt! Qysh atëherë unë i kam njohur përpjekjet e tij të palodhshme. Për mua, ai përfaqëson të gjithë mësuesit që edukojnë fëmijët tanë çdo ditë me përkushtim të madh.

Një FALEMINDERIT për të gjithë dhe një fillim i mbarë i vitit të ri shkollor!

Fanaj është politikanja e parë me prejardhje shqiptare e zgjedhur në një asamble komunale dhe pastaj edhe në një parlament kantonal, në Zvicër, shkruan albinfo.ch. Nga viti 2011 është deputete në Parlamentin e Kantonit të Lucernit, ndërsa në vitin 2007 ishte zgjedhur për herë të parë këshilltare në Asamblenë e qytetit të Lucernit.

Me këtë përvojë në politikë, Ylfete Fanaj është një emër me peshë në politikën e kantonit të saj e më gjerë.

Me zgjedhjen në postin e kryetares së Parlamentit Kantonal të Lucernit, Ylfete Fanaj ka arritur më shumë se cilido politikan me rrënjë shqiptare në politikën zvicerane.


LAJME INTERESANTE NGA INTERNETI