Kosova
Prishtinë: Nisin hetimet për veprën penale “Zbulim i fshehtësisë zyrtare”
Në njoftimin e fundit, Prokuroria Themelore në Prishtinë, nëpërmes një komunikate për media, ka sqaruar rastin për inicimin e hetimeve në drejtim të veprës penale “Zbulimi i fshehtësisë zyrtare”, përcjell albinfo.ch.
Referuar komunikatës së dytë lëshuar brenda ditës së sotme nga Prokuroria Themelore, thuhet se “për këtë çështje është hapur rast në drejtim të veprës penale “Zbulimi i fshehtësisë zyrtare”, nga neni 426 të KPRK-së dhe se veprimet hetimore do të ndërmerren ndaj personave zyrtarë, e jo ndaj mediave dhe gazetarëve”.
Më poshtë komunikata e parë, pa asnjë ndërhyrje, e Prokurorisë Themelore në Prishtinë:
“Prokuroria Themelore në Prishtinë, Departamenti i Përgjithshëm, njofton opinionin publik se, pas konferencës së mbajtur mbrëmë nga Ministri i Shëndetësisë, z. Arben Vitija, lidhur me demantimin e lajmeve për sigurimin e vaksinave kundër COVID-19, Prokurori i Shtetit ka autorizuar Policinë e Kosovës në ndërmarrjen e të gjitha veprimeve të nevojshme hetimore në pajtim me Kodin e Procedurës Penale të Republikës së Kosovës, duke iniciuar rast në drejtim të veprës penale “Zbulimi i fshehtësisë zyrtare”, nga neni 426 të KPRK-së. Prokurori i Shtetit do të veprojë në secilin rast ku cenohet interesi publik dhe shëndeti i qytetarëve, konform autorizimeve të tij ligjore, prandaj ju sigurojmë se kushdo që tenton ta dëmtojë një proces kaq delikat dhe konfidencial, do të përgjigjet para organeve të drejtësisë”, thuhet në komunikatë, në të cilën nuk specifikohet saktë se për kë do të bëhen hetimet.
Ndryshe ndodh në komunikatën e dytë. Aty Prokuroria specifikon se “për këtë çështje është hapur rast në drejtim të veprës penale “Zbulimi i fshehtësisë zyrtare”, nga neni 426 të KPRK-së dhe se veprimet hetimore do të ndërmerren ndaj personave zyrtarë, e jo ndaj mediave dhe gazetarëve”.
Komunikata e dytë, pa asnjë ndërhyrje, reagimi nga Prokuroria Themelore në Prishtinë, 17 prill 2021 – Prokuroria Themelore në Prishtinë reagon lidhur me lajmin e publikuar “Prokuroria nis hetime ndaj mediave që raportuan për procesin e sigurimit të vaksinave anti COVID”, nga portali “Kallxo.com”, duke ju njoftuar edhe një herë se për këtë çështje është hapur rast në drejtim të veprës penale “Zbulimi i fshehtësisë zyrtare”, nga neni 426 të KPRK-së dhe se veprimet hetimore do të ndërmerren ndaj personave zyrtarë, e jo ndaj mediave dhe gazetarëve, ashtu siç është raportuar nga portali në fjalë.
Lajmi është edituar pas reagimit sqarues të Prokurorisë Themelore të Prishtinës ndaj artikullit të publikuar në KALLXO.com që ndodhet më poshtë. Prokuroria nis hetime ndaj mediave që raportuan për procesin e sigurimit të vaksinave antiCOVID. Prokuroria Themelore në Prishtinë ka njoftuar se pas konferencës së ministrit të Shëndetësisë, Arben Vitia, ku ka demantuar lajmet për refuzimin e sigurimit të vaksinave kundër COVID-19. Prokuroria ka njoftuar se ka autorizuar Policinë e Kosovës që të ndërmarrë të gjitha veprimet e nevojshme hetimore duke iniciuar rast të veprës penale “Zbulimi i fshehtësisë zyrtare”.“Prokuroria Themelore në Prishtinë, Departamenti i Përgjithshëm, njofton opinionin publik se, pas konferencës së mbajtur mbrëmë, nga Ministri i Shëndetësisë, z. Arben Vitia, lidhur me demantimin e lajmeve për sigurimin e vaksinave kundër COVID-19, Prokurori i Shtetit ka autorizuar Policinë e Kosovës, në ndërmarrjen e të gjitha veprimeve të nevojshme hetimore në pajtim me Kodin e Procedurës Penale të Republikës së Kosovës, duke iniciuar rast në drejtim të veprës penale “Zbulimi i fshehtësisë zyrtare”, nga neni 426 të KPRK-së”, thuhet në njoftimin e Prokurorisë.
“Prokurori i Shtetit do të veprojë në secilin rast ku cenohet interesi publik dhe shëndeti i qytetarëve, konform autorizimeve të tij ligjore, prandaj ju sigurojmë se kushdo që tenton ta dëmtojë një proces kaq delikat dhe konfidencial, do të përgjigjet para organeve të drejtësisë”, thuhet tutje në njoftimin e Prokurorisë.
Ministri i Shëndetësisë, Arben Vitia, ka ftuar mbrëmë mediat për të demantuar raportimet se dikasteri që ai drejton të ketë refuzuar sigurimin e vaksinave kundër coronavirusit.
Të ngjashme
Të tjera nga Kosova
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane