Kosova

Zero vota shkuan për PDK-në nga mërgata në zgjedhjet e Podujevës

Mbi 95% e votave nga mërgata i takuan kandidatit të Vetëvendosjes

Edhe mërgimtarët nga vendet e ndryshme kanë votuar në zgjedhjet e Podujevës duke i dhënë bindshëm votat kandidatit të Lëvizjes Vetëvendosje, transmeton albinfo.ch.

Kandidati i Lëvizjes Vetëvendosje për kryetar të Komunës së Podujevës ka marrë shumicën dërmuese të votave me postë për zgjedhjet e 29 nëntorit në Podujevë.

Sipas rezultateve përfundimtare të Komisionit Qendror të Zgjedhjeve, me postë votuan 221 votues. 199 prej tyre shkuan për, tashmë, kryetarin e ri të Komunës së Podujevës, Shpejtim Bulliqi, nga LVV, transmeton albinfo.ch.

Nga ana tjetër, vetëm 22 vota me postë mori Nexhmi Rudari i LDK-së.

Ndërkohë, asnjë votë, nuk mori Naim Fetahu i PDK-së.

Shpejtim Bulliqi e fitoi njërën prej komunave, e cila konsiderohej bastion i LDK-së. Madje, kandidati i LVV-së fitoi pa balotazh, me 51.9% të votave në total.

Zgjedhjet e parakohshme për Komunën e Podujevës u mbajtën të dielën më 29 nëntor, pasi në shkurt të këtij viti nga i pari i kësaj komune dha dorëheqje Agim Veliu për të marrë një post qeveritar.