Futboll

Zhegrova si Messi, shënon super gol për Baselin

Futbollisti shqiptar ka realizuar një gol shumë të bukur

E diel, 4 Tetor 2020 - 18:32 albinfo.ch

(KEYSTONE/Alessandro della Valle)

Të gjithë po e prisnin shpërthimin nga ylli i Kosovës, Edon Zhegrova. Dhe shpërthimi ka ardhur në ndeshjen kundër Luzernit.

Baseli fitoi 3:2 derisa Zhegrova realizoi një super gol në minutën e 36-të. Zhegrova kaloi dy-tre futbollistë kundërshtarë dhe shënoi për 2:1, shkruan albinfo.ch.

Zhegrova dhe Orges Bunjaku ishin nga fillimi për Baselin dhe luajtën deri në minutën e 87-të. Baseli renditet në vendin e pestë me katër pikë, derisa Luzerni në vendin e tetë me një.

Goli i Zhegrovës është një lajm i mirë edhe për Kosovën që do të luajë ndaj Maqedonisë Veriore më 8 tetor në Shkup.