Bota

Zjarre masive në Gjermani

E premte, 24 Gusht 2018 - 21:00 albinfo.ch

Patrick Pleul/dpa via AP)

Gjermania u përfshi të premten nga zjarre masive që po përhapen me shpejtësi duke detyruar evakuimin e tre fshatrave 50 kilometra në jugperëndim të Berlinit.

Deri tani nuk ka njoftime për viktima.

Policia tha se përpjekjet për të shuar zjarrin janë komplikuar nga municionet e vjetra që i përkasin Luftës së Dytë Botërore të cilat ndodhen ende të groposura në pyje dhe mund të shpërthejnë për shkak të zjarreve, shkruan VOA, përcjell Albinfo.ch.

Zjarret nisën të enjten pasdite dhe u përhapën me shpejtësi nëpër pyjet me pisha të thata, duke nxitur evakuimin e fshatrave Frohnsdorf, Klausdorf dhe Tiefenbrunnen.