Zjarret në pyje në Kanada shkaktojnë dukshmëri të kufizuar në malet zvicerane

KEYSTONE: (Maxar Technologies via AP)..

Pavarësisht rrezeve të diellit, ajri në malet zvicerane nuk është plotësisht i pastër. Shkak për këtë është tymi i zjarreve në pyje në Kanada, i cili tashmë ka arritur në Evropë.

Në Jungfraujoch në Alpet Bernese, përqendrimi i grimcave është pak mbi vlerën kufi, në 57 mikrogramë për metër kub, siç raportohet nga shërbimi i motit Meteonews Zvicër, transmeton albinfo.ch.

Rritja e përmbajtjes së aerosolit mund të shihet edhe në imazhet satelitore, njoftoi MeteoSwiss. Një turbullim i lehtë i dukshmërisë u regjistrua gjithashtu në Gemsstock, në kantonin Uri.

Sipas raportit kombëtar të zjarrit në pyje të Kanadasë, ndonjëherë kishte mbi njëqind zjarre. Thatësira dhe era e jashtëzakonshme shkaktuan zjarret dhe përhapjen e tyre. Deri në fund të majit, më shumë se 17.000 njerëz ishin evakuuar.