Lajme
Zvicër: 435 pacientë me koronavirus marrin frymë me respiratorë
Sipas Koch, vetëm 6 për qind e të vdekurve janë nën moshën 65 vjeç, ndërsa mosha mesatare e të gjithë atyre që kanë vdekur nga koronavirusi në Zvicër është 83 vjet
Epidemia Covid-19 ende nuk e ka arritur kulmin, ka thënë sot Daniel Koch, në emër të Zyrës Federale për Shëndet Publik (BAG). Këtë e ka deklaruar në konferencën e sotme të rregullt për shtyp, të mbajtur në Qendrën Mediale Federale në Bernë.
Ai prandaj ka theksuar se është shumë herët për të filluar heqjen e masave të shtrëngimit, të vendosura në kuadër të shpalljes së gjendjes së jashtëzakonshme .
Sipas Koch, 435 pacientë tani janë të lidhur për respiratorë gjegjësisht kanë nevojë për ventilim artificial, transmeton albinfo.ch.
Ai u ka kujtuar mediave me këtë rast se masat për të trajtuar krizën kanë pasur që nga fillimi për qëllim mbajtjen në nivel sa më të rrafshtë të lakores së ngjitjes së infeksionit, përcjell albinfo.ch. Në të njëjtën kohë, është e rëndësishme të mbrohen grupet e rrezikut, ka shtuar ai
Moshat e të vdekurve nga koronavirusi deri më tani shkojnë nga 32 deri në 101 vjet. Sipas Koch, vetëm 6 për qind e tyre janë nën moshën 65 vjeç, ndërsa mosha mesatare është 83 vjet.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit