Lajme

Zvicër: Deputetët nuk do të paguajnë për uljen e borxhit të koronës

Deputeti i SVP-së, Geissbühler kishte bërë thirrje për një ulje prej njëzet për qind të të ardhurave vjetore të deputetëve, pra nga 26,000 CHF në 20,800 CHF në vit

E premte, 28 Janar 2022 - 21:49 albinfo.ch

keystone

Komisioni për Politikë Shtetërore i Dhomës Nacionale të Parlamentit të Zvicrës shprehet kundër kontributit solidarizues të deputetëve për luftimin e Koronës.

Pra: parlamentarët nuk duhet të japin kontributin e tyre simbolik në uljen e borxheve të shkaktuara nga korona, transmeton alnbinfo.ch. Komisioni i përmendur (SPK-N) hedh poshtë një ide përkatëse nga radhët e SVP-së.

Me 18 vota kundër 5, komisioni nuk ka ndjekur nismën parlamentare të Andrea Geissbühler (SVP/BE). Më pas, plenumi do të vendosë për këtë çështje.

Geissbühler kishte bërë thirrje për një ulje prej njëzet për qind të të ardhurave vjetore të deputetëve, pra nga 26,000 CHF në 20,800 CHF në vit, shkruan srf.ch.

Ai e kishte argumentuar këtë duke thënë se parlamenti është në fund të fundit përgjegjës për masat e ashpra dhe borxhin e lartë të shkaktuar nga masat në fjalë.