Shkurt.ch
Nga 3 marsi, Zvicra lëshon një kartë të re identiteti
Të gjitha kartat e identitetit ("Ausweis"-at) të lëshuara më parë mbeten të vlefshme deri në datën e skadencës, të shënuar në to
Karta e re zvicerane e identitetit (“Ausweis”-i ose ID) do të lëshohet nga 3 marsi 2023. Ashtu si pasaporta e re zvicerane, edhe ID e re kombinon gjithashtu veçoritë më të fundit të sigurisë me një dizajn të ri, shkruan albinfo.ch. Pagesat për ID-në e re mbeten të njëjta.
Të gjitha kartat e identitetit të lëshuara më parë mbeten të vlefshme, bën të ditur Fedpol.ch.
Ashtu si pasaporta e re që u prezantua katër muaj më parë, ID zvicerane është përditësuar duke përdorur teknologjinë më të fundit të sigurisë. Disa elementë sigurie përmbahen në material, të tjerët krijohen gjatë prodhimit të kartës ose kur karta të jetë e personalizuar.
Për herë të parë në historinë e kartave zvicerane të identitetit, karta e re formon një familje kartash identiteti me një dizajn uniform së bashku me pasaportën e re.
Ashtu si pasaporta, ID e re do të lëshohet nga Zyra Federale për Ndërtimin dhe Logjistikën (BBL), transmeton albinfo.ch. Në BBL, karta personalizohet me të dhëna personale si emri i mbajtësit të kartës, data e skadencës dhe fotografia e pasaportës.
Marrja e ID-së së re
Të gjitha kartat e identitetit të lëshuara më parë mbeten të vlefshme deri në datën e skadencës, të shënuar në to. Personat që dëshirojnë të marrin një kartë të re identiteti mund të aplikojnë për një të tillë nga data 3 mars 2023 në një zyrë pasaportash ose në përfaqësinë përgjegjëse zvicerane jashtë vendit.
Në disa kantone, komunat ku jetoni gjithashtu lëshojnë karta identiteti. Ofertat e kombinuara që përfshijnë një pasaportë dhe një kartë identiteti mund të porositen gjithashtu nga zyrat e pasaportave kantonale
Të ngjashme
Të tjera nga Shkurt.ch
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën