Lajme
Zvicër: Në aksionin kundër ithtarëve të ISIS-it, arrestohet kosovari recidivist
Njëri nga të akuzuarit me moshë madhore mësohet se është një person tani 21-vjeçar me prejardhje nga Kosova. Bëhet fjalë për E.L*., i cili së bashku me motrën e tij, të dy atëbotë të mitur, në vitin 2014 kishin shkuar nga Winterthuri në Siri për t`iu bashkuar ISIS-it
Sot në tri kantone të Zvicrës, në Cyrih, Bernë dhe Schaffhausen, janë zhvilluar kontrollime dhe bastisje të shkallës së gjerë të shtëpive me motiv dyshimet për terrorizëm. Këtë njoftim e ka dhënë për media Prokuroria Federale, shkruan srf.ch.
Sipas saj, janë duke u zhvilluar hetime penale ndaj njëmbëdhjetë personave, gjashtë nga të cilët, të moshës madhore. Ata akuzohen se kanë mbështetur organizata të ndaluara në Zvicër si Al-Kaida ose ISIS-i.
Njëri nga të akuzuarit me moshë madhore mësohet se është një person tani 21-vjeçar me prejardhje nga Kosova. Bëhet fjalë për E.L*., i cili së bashku me motrën e tij, të dy atëbotë të mitur, në vitin 2014 kishin shkuar nga Winterthuri në Siri për t`iu bashkuar ISIS-it, shkruan albinfo.ch. Pas dy vjetësh ata ishin kthyer, ndërsa rreth një vit më parë janë dënuar nga gjykatat e këtushme me 11 muaj, gjegjësisht dhjetë muaj burgim me kusht.
Rasti i tyre ka bërë jehonë të madhe në shtypin zviceran, i cili ka raportuar në vazhdimësi në lidhje me indoktrinimin e tyre kryesisht në xhaminë famëkeqe “An Nur” të Winterthurit, shkruan albinfo.ch. Po ashtu mediat kanë njoftuar se prindërit e dy të përmendurve kishin shkuar në Turqi dhe në Siri për t`i kthyer fëmijët e tyre.
Gjatë kohës sa rridhte dënimi i tyre me kusht, 21-vjeçari ka vazhduar propagandën për ISIS-in dhe për këtë arsye është arrestuar në kaudrin e aksionit në fjalë të autoriteteve zvicerane.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Mbi katër mijë milionerë në Zvicër Këto ishin vite të majme për fituesit më të mëdhenj. Pagat e tyre janë rritur ndjeshëm,...
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike