Ukraina

Zviceranët shtrëngojnë sanksionet ndaj Rusisë

Qeveria zvicerane ka miratuar një grup tjetër sanksionesh tregtare dhe financiare të Bashkimit Evropian kundër Rusisë dhe Bjellorusisë për shkak të luftës në Ukrainë, përcjell albinfo.ch.

Ministri i Ekonomisë, Guy Parmelin, tha se ministria e tij zgjeroi gjithashtu kufizimet e udhëtimit dhe financiare për 217 individë të tjerë, duke përfshirë dy vajza të presidentit rus, Vladimir Putin, dhe 18 subjekte. Deri më tani rreth 900 individë dhe subjekte janë vendosur në listën e sanksioneve zvicerane. Kështu, Zvicra po merr përsipër shumicën e sanksioneve të vendosura nga Brukseli javën e kaluar, si pjesë e paketës së pestë kundër Rusisë dhe Bjellorusisë.

Megjithatë, ajo po ndalon së zbatuari masat ndëshkuese për transportin ujor dhe tokësor për arsye gjeografike dhe praktike. Masat do të hyjnë në fuqi të mërkurën.

“Qëllimi ynë kryesor është të parandalojmë anashkalimin e sanksioneve ndërkombëtare”, tha Parmelin në një konferencë shtypi, përcjell albinfo.ch.


LAJME INTERESANTE NGA INTERNETI