Zvicër: Frika nga koronavirusi zvogëlon përdorimin e transportit publik

(KEYSTONE/Anthony Anex)

Pandemia e koronavirusti ka bërë që në Zvicër të ndryshojnë mënyrat e lëvizjes, pasi që njerëzit këtu më shumë po lëvizin me biçikleta dhe nuk po preferojnë të përdorin transportin publik, përcjell albinfo.ch.

Ndonëse numri i të prekurve në Zvicër dhe i vdekjeve ka rënë dukshëm, frika ekziston akoma.

Njerëzit këtu më së shumti kanë frikë të përdorin transportin publik, pasi që ka mundësi më të vogëla që të ruhet distancimi social si dhe ka mungesë të ajrit.

Në një studim të realizuar nga Deloitte, tregon që qytetarët zvicreanë po preferojnë që të udhëtojnë më shumë me biçikleta, qofshin ato të thjeshta apo elektronike si dhe me veturat e tyre, transemton albinfo.ch.

Këto të dhëna paraqesin një sfidë për politikën zvicërane që duan ta zvogëlojnë trafikun, veçanërisht në qytete të mëdha, si Cyrihu dhe Gjeneva që janë të njohura se kanë trafikun më të ngarkuar në botë.

Drejtuesit e automjeteve në qytetin që flasin frëngjisht kalojnë mesatarisht 52 orë në trafik relativisht të ngadaltë çdo vit, ndërsa 51 orë në Cyrih.

Një e treta e të anketuarve thanë se do të zgjedhin më shumë udhëtimet në këmbë qoftë me e-skuter ose me biçikletë.

Një çerek thanë se ata do të shkurtonin përgjithmonë përdorimin e transportit publik, si dhe shkurtimin e ndarjes së udhëtimeve dhe shërbimeve taksi.

Dëshira për të përdorur transportin privat ishte veçanërisht e theksuar tek të rinjtë nën 30 vjeç që thoshin se do të drejtonin një makinë më shumë në të ardhmen.

Në një studim të veçantë të përfunduar të martën nga ETH Lausanne, studiuesit gjetën një lidhje të drejtpërdrejtë midis lëvizshmërisë dhe gjasave më të larta të infeksionit.

Gjetjet ilustruan rëndësinë e masave të bllokimit, ndërsa gjithashtu theksuan potencialin e transmetimit që ekziston në hapësira të vogla siç është transporti publik./albinfo.ch