Zvicra bëhet me Parlament Rinor

Për ngritjen e parlamentit rinor do të themelohet njëherë një grup pune, në të cilin do të bëjnë pjesë parlamentarë rinorë dhe pjesëtarë të Forumit të Sesionit Rinor

Keystone

Përveç një sesioni të forumit rinor që ekziston prej kohësh, tash Zvicra do të ketë edhe një parlament rinor. Për një gjë të tillë kanë vendosur 150 pjesëmarrës të takimit vjetor të organizatës çati të parlamenteve rinore të Zvicrës (DSJ). Themelimi i Parlamentit Rinor në nivel vendi do të sigurojë për afat më të gjatë promovimin e pjesëmarrjes së gjeneratës së re në politikë, shkruan nzz.ch.

Siç thuhet në një komunikatë të lëshuar të shtunën, në të ardhmen do të ketë edhe një mundësi participimi politik të të rinjve në mes moshës 14 dhe 25 vjeçare, transmeton albinfo.ch

Deputeti i FDP-së nga Lucerni në Dhomën e Kantoneve, Damian Müller në fjalën e tij të hapjes ka theksuar se  ka shumë rëndësi që të rinjtë të fillojnë që herët të merren me politikë. “Vetëm në këtë mënyrë mund të sigurojmë që sistemi politik milicor (ose gjysmëprofesional, karakteristik për Zvicrën) të vazhdojë të zhvillohet edhe më tutje.

Për ngritjen e parlamentit rinor në mënyrë konkrete, do të themelohet njëherë një grup pune, në të cilin do të bëjnë pjesë parlamentarë rinorë dhe pjesëtarë të Forumit të Sesionit Rinor.