Tematike
Zvicra dëbon shqiptarin e Maqedonisë: Ka përdhunuar prostitutën
Edhe në kohën sa ishte duke u zhvilluar procedura penale ndaj tij, ai kishte marrë pjesë në një grabitje, gjë që ai e kishte pranuar...
Një shqiptar sot 28 vjeçar, shtetas i Maqedonisë, pasi ka mbajtur tri vite e gjysmë burg për përdhunim dhe detyrim seksual, do të detyrohet që përfundimisht të lëshojë Zvicrën. Ankesa që ai ka bërë në Gjykatën Federale është hedhur poshtë, shkrujan Luzerner Zeitung. Interesi publik për dëbimin e tij peshon më shumë se sa dëshira e tij për të jetuar në Zvicër pranë gruas dhe të bijës.
Ai ishte dënuar për faktin se dy herë së bashku me një shok të tij, pas marrëdhënies seksuale me një prostitutë, në vend se ta paguante e ka këcënuar dhe e ka detyruar sërish për të bërë seks.
Në muajin gusht të vitit të kaluar ai kishte mbaruar vuajtjen e burgut dhe kishte pasur rastin që për herë të parë ta shihte të bijën e tij një vjeçare e gjysmë, transmeton albinfo.ch. Ky fakt nuk e kishte zbutur qëndrimin e Gjykatës Kantonale të Lucernit, e cila i kishte shqiptuar atij dënimin me dëbim nga Zvicra.
Pas kësaj, 28 vjeçari ishte ankuar në Gjykatën Federale, duke theksuar se Gjykata Kantonale ka peshuar në mënyrë arbitrare dhe se vendimin për dëbim e ka mbështetur në mënyrë të paqëndrueshme. Por Gjykata Federale e ka hedhur poshtë ankesën, pasi që, sipas saj, kritika e bërë në këtë ankesë, është e pabazuar, transmeton albinfo.ch. Sipas gjykatës më të lartë të vendit, Gjykata Kantonale e ka arsyetuar mirë dhe në mënyrë të mjaftueshme vendimin e saj.
Në gjendjen e tashme, shqiptari nga Maqedonia për fillim nuk do të mund të qëndrojë me të bijën e tij, e cila duhet të rritet pa praninë e tij, pasi që ai duhet të kthehet në vendin e prejardhjes.
Vendimi i autoriteteve për dëbimin e tij mbështetet në peshimin në mes të interesit publik për dëbimin e tij dhe interesit të tij personal për të mbetur në Zvicër. Sigurisht, me këtë rast më tepër ka peshuar interesi publik. Kjo sidomos për faktin se personi në fjalë, edhe në kohën sa ishte duke u zhvilluar procedura penale ndaj tij, kishte marrë pjesë në një grabitje, gjë që ai e kishte pranuar. Nisur nga kjo, gjykata nuk beson se ai mund të përmirësohet, përcjell albinfo.ch. Veç kësaj, ai e njeh gjuhën shqipe (gjuhë amtare) dhe ka një shtëpi në Maqedoni, kështu që socializimi i tij atje nuk përbën problem. Vajzën dhe bashkëshorten ai mund t`i vizitojë dhe të mabjë kontakt me to përmes telefonit.
Të ngjashme
Të tjera nga Tematike
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane