Lajme
Zvicra dërgon ekipin e ekspertëve në Bejrut
Një grup prej rreth 10 ekspertësh janë drejtuar në Liban për të mbështetur Ambasadën zvicerane në Bejrut, e cila u dëmtua në një shpërthim masiv të martën.
Një aeroplan do të largohet nga Berna të enjten në mëngjes me inxhinierë, specialistë të infrastrukturës, një këshilltar të sigurisë, logjistikë, një menaxher të telekomunikacionit dhe një psikolog.
Sipas Departamentit Federal të Punëve të Jashtme (FDFA), ekspertët do të mbështesin stafin e ambasadës zvicerane. Përfaqësimi diplomatik i kombit alpin ka pësuar dëme të mëdha për shkak të shpërthimit dhe stafi aktualisht po punon në një lokacioni tjetër. Ndërsa shumë ndërtesa në kryeqytetin libanez kanë pësuar dëme të mëdha, inxhinierët e infrastrukturës zvicerane gjithashtu do të jenë në gjendje të japin ekspertizën e tyre për autoritetet libaneze.
Zvicra do të kontribuojë një shumë prej 500,000 CHF drejtuar degës libaneze të Kryqit të Kuq për të ndihmuar në masat e reagimit emergjent. Krahu humanitar i Konfederatës Zvicerane po shqyrton gjithashtu mundësinë e dërgimit të ndihmës humanitare në rajon, pas një thirrje për ndihmë ndërkombëtare të nisur nga qeveria libaneze.
Qysh në mbrëmjen e së martës, ministri i Jashtëm, Ignazio Cassis dhe Presidentja Simonetta Sommaruga shprehën solidaritetin e tyre me popullin libanez. Cassis kishte treguar gatishmërinë e Zvicrës për t’i ofruar ndihmë Libanit.
Rreth 1.500 shtetas zviceranë aktualisht jetojnë në Liban (80% janë shtetas të dyfishtë) dhe rreth 20 turistë zviceranë kanë rërë në kontakt me ambasadën, shkruan swissinfo.ch, përcjell albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën