Kosova
Zvicra e ndihmon Kosovën edhe në sistemin prokurorial
Kryeprokurori i Kosovës, Aleksandër Lumezi, është shprehur se sfidë kryesore e institucionit të Prokurorit të Shtetit mbetet luftimi i korrupsionit, krimeve të luftës, krimit të organizuar, terrorizmit, bartja e lëndëve nga EULEX-i te prokurorët vendorë që kanë të bëjnë me rastet e krimeve të luftës.
Ai këto komente i bëri gjatë një takimi me ambasadorin e Zvicrës në Prishtinë, Jean Hubert Lebet, të cilin e ka njoftuar për funksionimin dhe efikasitetin e sistemit prokurorial të Kosovës e posaçërisht atë të Prokurorisë Speciale, përcjell albinfo.ch.
Lumezi tha se pavarësisht vështirësive institucionet e drejtësisë duhet t’i tejkalojnë të gjitha këto, që të arrijnë rezultate më të mira në hetimin dhe ndëshkimin e krimit.
Në këtë takim u bisedua edhe për bashkëpunimin juridik ndërkombëtar, ku të dy bashkëbiseduesit e vlerësuan bashkëpunimin e deritanishëm, ndërsa theksuan nevojën e rritjes së bashkëpunimit të Prokurorisë së Shtetit me atë të Zvicrës në mbledhjen e informatave lidhur me veprat penale që mund t’i prekin këto dy vende.
Ndërkaq, ambasadori Lebet, ka vlerësuar punën që është duke e bërë Prokurori i Shtetit, si dhe i ka ofruar mbështetjen e tij dhe të shtetit zviceran, për ta ndihmuar edhe me tutje sistemin prokurorial të Kosovës në të gjitha çështjet që Zvicra mund të kontribuojë, me qëllim të rritjes së efikasitetit të këtij sistemi.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe