Lajme
Zvicra fton 160 delegacione për bisedimet e arritjes së paqes në Ukrainë
Qeveria zvicerane ka deklaruar sot se “në këtë fazë” Rusia nuk është në mesin e 160 delegacioneve të ftuara në bisedimet që synojnë të ndihmojnë në arritjen e paqes në konfliktin midis Moskës dhe Ukrainës.
“Zvicra është e bindur se Rusia duhet të përfshihet në këtë proces. Një proces paqeje pa Rusinë nuk është i mundur”, tha qeveria zvicerane në një deklaratë, transmeton albinfo.ch.
Qeveria zvicerane tha se ishte treguar gjithmonë e hapur për të ftuar Rusinë, por vuri në dukje se Moska kishte nënvizuar vazhdimisht se nuk kishte interes për të marrë pjesë në samitin e parë.
Zyrtarët rusë kanë vënë në dukje miratimin nga Zvicra të sanksioneve të Bashkimit Evropian (BE) kundër Moskës për pushtimin e saj në Ukrainë dhe argumentuan se për këtë arsye asaj i mungon besueshmëria si një ndërmjetës neutral.
Zvicra në muajin janar tha se do të organizonte një samit paqeje me kërkesë të presidentit ukrainas, Volodymyr Zelensky, shkruan swissinfo.
Delegacionet e ftuara përfshijnë anëtarë të G7, G20, grupeve BRICS, BE, organizata ndërkombëtare dhe dy përfaqësues fetarë.
Qeveria përsëriti se synon të krijojë një kornizë për të sjellë një paqe të qëndrueshme në Ukrainë, si dhe një udhërrëfyes për pjesëmarrjen e Rusisë në procesin e paqes.
Bisedimet do të mbahen më 15-16 qershor në resortin Bürgenstock në kantonin Nidwalden jashtë qytetit të Lucernit.
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Pritet trafik i rënduar në rrugët e Zvicrës këtë fundjavë Ndërsa shoferë të shumtë po nisen për fundjavën e gjatë të Rrëshajëve, përgatituni për një volum...
-
Vildane Rexhepi, menaxhere prokurimi në IT-në e bankës UBS
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë